學校預留學位/優先取錄特異功能人士，是本末倒置。

jiljill

Rpp 發表於 24-1-11 15:05
係讀屎片。

呵呵，說話越來越難聽了。

jiljill

我之前在另一個帖說某南區前傳統名校沒落，除了學生成績下滑之外，另一原因是覺得家長的水平也下降了不少。以前感覺是中產以上，現在嗎？市井的不少。

PingWu_FB

我試吓理解樓主立場：
1/讀書即係求分數
2/學校收生只應按成績呢個唯－標准收生先係公平
3/成績好=職業／位好=收入高
4/英文科比重大於一切
5/體藝=操水／練琴=無用=成績不好學生入B1學校嘅歪門斜道



暫時總結呢幾點
有錯請指正

本人觀點：
我努力讓小兒全面發展

Rpp

jiljill 發表於 24-1-11 15:09
呵呵，說話越來越難聽了。

讀屎片 / 讀死書 = 衹會讀書的呆子

jiljill

PingWu_FB 發表於 24-1-11 15:14
我試吓理解樓主立場：
1/讀書即係求分數
2/學校收生只應按成績呢個唯－標准收生先係公平

多謝你的小結。除了稍為過份演繹之外，大致上是正確的。

做人做事都有輕重、先後、緩急之分，求學一樣。

學生的本份是讀書，有餘力可以發展一下興趣（相信是你指的全人發展）。

學校收生一樣，好學校配好學生，在所有條件相同之下選學而優則藝無可厚非。

好學校為了爭獎就收成績差但（本身未入學已經）有「特異功能」的小朋友是棄本逐末，甚至本末倒置的做法。

jiljill

Rpp 發表於 24-1-11 15:24
讀屎片 / 讀死書 = 衹會讀書的呆子

所以我話南區某前傳統名校家長很市井就是這個原因。

現追加「小氣」，死纏不休。

TAIOU4

Rpp 發表於 24-1-11 15:24
讀屎片 / 讀死書 = 衹會讀書的呆子

玩體藝不見得唔係一隻牛
當然醒目家長一定有方法唔洗做牛又有成果

不過有幾多個好似某幾位老會員咁好人
畀料教人o地細路之餘仲要教埋人o地父母

就以尼個Post為例
不知幾多人不拎情
當正樓主恥笑佢o地
唉...

200904

學校預留學位/優先取錄特異功能人士

其實，大家各凴本事，憑成績的，學習成績拔尖，根本不會在意這幾個名額，只有成績不上不下的，才會為這幾個名額而憤慨。

學校多元化，才是一個真學校，我就希望有全面開花的學校，我的小朋友是讀書型，但我希望她知道，這個世界有很多種人，除了讀書，也有其他方面非常優秀的同學值得敬佩。他們也是可以為學校爭光的同學。

我覺得孩子應該要要有開闊的格局，接受不同於自己的，學會怎樣去欣賞與自己不同的。

Rpp

TAIOU4 發表於 24-1-11 15:30
玩體藝不見得唔係一隻牛
當然醒目家長一定有方法唔洗做牛又有成果

我講某個聲稱讀幾間海外名牌大學既人，讀書讀到屎片。不懂裝懂，大談教育。
一講全人教育就質疑人哋係讀書不成既藉口。點有討論空間？

jiljill

TAIOU4 發表於 24-1-11 15:30
玩體藝不見得唔係一隻牛
當然醒目家長一定有方法唔洗做牛又有成果

非不懂，是不接受。

非不為，是無能為力。

人人都知名小級一香，有多少個可以做到？

有得選，誰想做「特異」？

這個世界越痛叫得越大聲，見怪不怪。

HappyFamily2010

本帖最後由 HappyFamily2010 於 24-1-11 16:06 編輯

Haha 這個帖真有趣，做左CD Rom多年都忍唔住理性討論下。大道理唔講，想分享一下自身經歷：

我小朋友（其實已經高中）由小一起就讀傳統名校（有直屬中學大部分人可以直升中學部），佢由初小開始學樂器（非常熱門，可以參加樂團嘅樂器）。由始至終我嘅諗法好清晰：學術為主，體藝為副。不過咁，我從來（尤其初小階段）都唔覺得佢喺學術上要追求完美，所以一直冇補習，亦因此佢比好多同學多時間去認真玩同學樂器。從我多年嘅觀察，玩樂器玩得出色的通常讀書都好好（頭5%），呢個我覺得係同從小訓練專注力同埋學習time management 有關。

利申一下先，我小朋友上中學時算係有特異功能嘅（樂器演奏級），而成績呢亦都可以keep住喺前列（級10內）。我分享出嚟唔係要認叻，只係想說明其實成績好同特異功能係冇矛盾嘅。我小朋友個級頭五名來來去去嗰幾個人，其中有兩個係體育特異功能人士（朝朝喺學校操完水先上堂嗰種 - btw 我覺得學校喺方面係有支援）。我想講嘅係，假設所有小朋友嘅能力可以用嘅時間一樣，可以比拼嘅就只有專注力同埋時間管理，依兩樣嘢無論係樂器或體育都有極大幫助。

至於所謂成績未達標人士究竟應唔應該讀B1A 傳統名校呢？ 以我多年現場睇校際音樂比賽經驗，有部份係EK 被吹捧音樂體育不錯的學校（多數係地區名校），其實去到全港性比賽，殘酷啲講句係不入流的。我唔止一次聽到評判講，點解有啲樂團比另一啲樂團優秀，最主要係有足夠有能力嘅樂手。幾間傳統名校嘅樂團規模之大，往往係地區名校嘅一倍或以上。咁點樣可以搵到有足夠人參加樂團？咪就係比成績可能暫未達標嘅同學入讀。我這(emoji)強調「暫未達標」，係因為一陣未到考公開試，你都唔知最終邊個考得好。小朋友係會互相影響嘅，喺樂團訓練要好專注，休息時讀書叻啲嘅同學個個揸住本書喺度溫，好容易耳濡目染，大家一齊進步。我知道體育校隊嘅情況係差唔多。另外點解我要強調「暫未達標」，因為我覺得學校係選人士唔係睇學生12歲嘅狀況，而係睇佢長遠有冇potential。

所以呢，我覺得學校其實都係選優秀同學入讀，不過學校所選嘅優秀，未必係樓主心目中嘅優秀。學校選嘅係「潛力股」，在加埋手持大部份嘅優質籃籌股，咁先可以確保長遠增長。

多言了，如有冒犯請見諒。

HappyFamily2010

HappyFamily2010 發表於 24-1-11 15:42
Haha 這個帖真有趣，做左CD Rom多年都忍唔住理性討論下。大道理唔講，想分享一下自身經歷：

我小朋友（其 ...

講多少少，以免被誤會

我小朋友初小學學器時，我係會俾少少壓力佢，即係一定要每日抽時間練習，否則就要放棄。呢個我覺得係培養咗佢嘅責任心。

到佢真正成為咗特異功能人士之後，佢對樂器嘅熱愛同投入已經令我可以徹徹底底成為外人

體藝玩得優秀，從來都冇得迫。天份、毅力、熱愛缺一不可

Dylanli2017

社會上既野，99%實際都是唔公平既，所以探討佢公唔公平或者想佢變得公平，似乎都唔可能，所以你要做既就是good at playing the game.
我認為教育唔是話讀書同體藝都叻先叫做全人教育，我認為德育都好重要，一個年青人就算佢體藝幾叻，讀書幾叻，但是驕傲自大，唔識得尊重人，一樣可以一敗塗地。
一個小朋友如果佢唔中意體藝，你為升學強逼佢學，佢冇讀書天份，你強迫佢科科a, 都唔是一件好事。樓主既初衷都是勸d家長唔好逼得小朋友太緊，都是好既初衷來既，如果個小朋友本身唔中意體藝的話。當然，如果小朋友中意體藝又有天賦就應該要好好培養。
社會環境一般都好難改變，你唯一能做既就是play the.game well,同時讓自己小朋友有個快樂既童年，要2者平衡，是好考家長功力架。現實就是咁殘酷，能夠適應佢並設法如魚得水就very good了

jiljill

HappyFamily2010 發表於 24-1-11 15:42
Haha 這個帖真有趣，做左CD Rom多年都忍唔住理性討論下。大道理唔講，想分享一下自身經歷：

我小朋友（其 ...

恭喜，你小朋友是學而優則藝。

名校收這些小朋友當然無可厚非（包括你所指游水叻又頭五個兩位）。

我想問問，如果這些名校收讀書差的小朋友你有何看法？這些小朋友可以在這種環境下既保持運動成績，讀書亦可以迎頭趕上嗎？現實生活中有多少個可以做到？你真誠地相信學校是相信他們有「potential」可以趕上，而不是當他們是工具嗎？

stillgood20

HappyFamily2010 發表於 24-1-11 15:48
本帖最後由 HappyFamily2010 於 24-1-11 15:50 編輯

講多少少，以免被誤會

特別是天份．

Rpp

HappyFamily2010 發表於 24-1-11 15:42
Haha 這個帖真有趣，做左CD Rom多年都忍唔住理性討論下。大道理唔講，想分享一下自身經歷：

我小朋友（其 ...

(emoji)(emoji)

TAIOU4

jiljill 發表於 24-1-11 15:41
非不懂，是不接受。

非不為，是無能為力。

其實...
唔洗級10
唔洗日讀夜讀
唔洗玩體藝
唔洗上面試班
唔洗花大錢.
.
.
都可以入到B1A

不過係要漫長準備同策略
唔係即食餐
可能就係所謂o既家長o既軟技巧吧

stillgood20

HappyFamily2010 發表於 24-1-11 15:42
Haha 這個帖真有趣，做左CD Rom多年都忍唔住理性討論下。大道理唔講，想分享一下自身經歷：

我小朋友（其 ...

有d資優兒童, 會有音準．所以．可能見學習和音樂都出色．

HappyFamily2010

jiljill 發表於 24-1-11 15:51
恭喜，你小朋友是學而優則藝。

名校收這些小朋友當然無可厚非（包括你所指游水叻又頭五個兩位）。

本帖最後由 HappyFamily2010 於 24-1-11 16:44 編輯

指教唔敢講，大家討論一下。

我自己觀察，部份喺名校裏面所謂「成績差」嘅同學都係體育特異功能人士。佢哋通常係初中階段全力比賽為校爭光，其實係有比學術支援佢哋嘅，例如比賽前後老師專登同校隊補課。

而我自己眼見，去到中六階段，大部份體育特異功能人士都會退落嚟，可能有一兩個體育成績特別突出嘅繼續帶領校隊、帶領師弟妹。Dse 成績呢，我眼見大部份都入到大學，當然唔可以講話迎頭趕上啦，，亦無需要，因為每個人嘅長處都唔一樣，有啲人專注讀書一身讀醫讀law, 有啲同學喺中學生涯專注玩體育，大學攞到最基本入場券讀體育管理或教育，甚至畢業後返母校任教。我覺得就係真正多元，同埋學校想要嘅傳承。

adriantai

樓主仲停留係三十年前


今時今日好多特異人士讀書都唔差死都唔信，尤其多左好多國语人之後

睇下而家國家隊運動員幾多係有家境